Tes convidados esta fin de semana? Pois toma nota porque estás a piques de degustar a empanada máis rica que probases xamais: empanada de pescada.⁣
⁣
Ingredientes:⁣
✔️ 1,5 Kg aprox. de filetes ou lombos de Pescada DoNorte (dispoñible nos supermercados Vegalsa Eroski).⁣
✔️ 3 kg de cebolas.⁣
✔️ 4 pementos vermellos.⁣
✔️ 700 gr aprox. de fariña de trigo.⁣
✔️ 1 cucharadita de pemento agridoce.⁣
✔️ 1 vaso de viño branco, aproximadamente 100 ml.⁣
✔️ Sal.⁣
✔️ Aceite de oliva.⁣
✔️ 1 ovo batido.⁣
⁣
Preparación:⁣
⁣1. Elimina a pel dos filetes da pescada, bótalle un pouquiño de sal e pásaa por fariña lixeiramente. ⁣
2. Pela e corta as cebolas á xuliana e fríteas con poquita sal, removéndoas constantemente ata que estean completamente deshidratadas. A continuación envórcaas sobre un colador e déixaas escorrer presionando de cando en vez ata eliminar completamente o aceite. Resérvao, farache falta despois!⁣
3. Colle unha tixola e bótalle un pouquiño de aceite para marcar a pescada, volta e volta, eh! Moi poucos minutos.⁣
4. Lava e curta en tiras os pementos vermellos e ásaos no forno. ⁣
5. Bota unha cullerada de aceite nun vaso e incorpóralle unha cucharadita colmada de pemento. Remóveo ben. ⁣
6. Bota 400 gramos de fariña nun cunco e incorpóralle a cunca anterior (paso 5) e o aceite que reservaras das cebolas (paso 2). Remove todo cun garfo para mesturalo moi ben.⁣
7. Bota un pouco de fariña na mesa.⁣
8. Envorca sobre ela a masa anterior (paso 6) e comeza a amasar, integrando aos poucos máis fariña.⁣
9. Cando a masa comece a poñerse dura, engádelle a poquitos o viño branco e continua amasando. Poñerase dura e consistente! Abrandará un pouco co viño, pero debes amasar con forza! Somos DoNorte, que se note!⁣
10. Coloca a masa nunha bóla sobre un pano e envólvea tapándoa por completo. Déixaa repousar durante un intre.⁣
11. Prequenta o forno a 175/ 180º C con calor por arriba e por abaixo. ⁣⁣
12. Volve á masa e divídea en 2 partes para cubrir a empanada por arriba e por abaixo. Utiliza un rodete para estendelas. Que o resultado final sexa unha masa moi fina e delgada.⁣⁣
13. Coloca unha das masas sobre unha fonte de forno. E xa podemos empezar a montar a empanada.
14. Bota sobre a masa unha capa de cebola frita.⁣
15. Sobre esta, coloca anacos enteiros de pescada enchendo os ocos con pescada desmigada.⁣
16. Agora coloca unha capa de tiras de pementos asados.⁣
17. E para terminar, bota unha nova capa de cebola frita.⁣
18. Cobre coa outra masa estendida e sela os bordos.⁣
⁣19. Fai o tradicional burato no centro da masa, e bordéao cun rolo de masa.⁣
20. Introduce a bandexa na parte baixa do forno e déixao enfornar durante 1 hora, aproximadamente.⁣
21. Saca a empanada do forno e pincela toda a superficie co ovo batido. Este secará coa calor da empanada.⁣
22. Métea de novo o forno, esta vez na parte de arriba e déixaa gratinar ata que a masa dóurese bastante. ⁣
⁣
Cheiras xa a cociña? Mmmmmmm… SUBLIME! ⁣
⁣
Se te animas a preparala, sobe unha foto e etiquétanos en redes sociais: Facebook o Instagram. Aínda non nos segues? ⁣