A nosa pescada

Pescada DoNorte é unha etiqueta de orixe, o de Cedeira e Galicia.
E, sobre todo, é sinónimo de calidade e garantía de frescura.

O noso mar ofrécenos peixes e mariscos dos que estar orgullosos. Un deles: pescada DoNorte. Unha pescada de alta calidade tras realizar unha rigorosa selección dos exemplares. En Cedeira saímos a pescar cada día á nosa costa para asegurarche que sexa a máis fresca do mercado. Chega a terra ese mesmo día, a diferenza daquelas capturadas en augas máis afastadas. Imaxínasche saír ti a pescar? Pois o mesmo pero xa pescamos nós por ti.

Do mar directa á túa cociña!

Somos xente DoNorte

De Cedeira, de Galicia. Si, como a nosa pescada. E como ela, temos un carácter e unha personalidade propios, marcados pola dureza do noso mar. Un mar que tanto nos dá pero tamén nos quita. E, con todo, non podemos vivir sen el. E coidámolo. Porque a sustentabilidade e o respecto ao medio ambiente son intrínsecos á xente do mar. Así o sentimos en DoNorte.

Cedeira vive e mira ao mar!

Volanteiros de Cedeira

Pescada DoNorte é a iniciativa dun grupo de armadores de “volanteiros” (pesqueiros coa volanta como arte de pesca) da Cofradía de Cedeira (A Coruña), que nos unimos para poñer en valor a pescada fresca da nosa costa.

Cedeira é o porto de referencia en pesca da volanta na actualidade, cun total de 12 embarcacións e o 20% da pesca total de España.

Volanteiros de Cedeira

Pescada DoNorte é a iniciativa dun grupo de armadores de “volanteiros” (pesqueiros coa volanta como arte de pesca) da Cofradía de Cedeira (A Coruña), que nos unimos para poñer en valor a pescada fresca da nosa costa.

Cedeira é o porto de referencia en pesca da volanta na actualidade, cun total de 12 embarcacións e o 20% da pesca total de España.

Selectiva e sostible

A volante é unha arte de pesca artesanal, realizada con coidado e mimo. A nosa arte de pesca é selectiva e responsable. A rede da volanta, situada a 10 metros sobre o fondo, só permite capturar os exemplares de pescada de maior tamaño.
Os nosos barcos saen ao mar cada día para traer a pescada máis fresca. Lanzamos redes na nosa costa cada madrugada e recollémolas pola mañá. Son só unhas horas de pesca, o que contribúe a ser máis sostibles.

Máis de 60 anos de historia

En 1960 sae ao mar o primeiro barco de volanta en Cedeira. E nesta vila costeira galega perfeccionamos esta arte de pesca, converténdonos en toda unha referencia. Son máis de 60 anos de historia vivindo e respectando o mar, unha historia que non queremos perder e debemos poñer en valor. E facémolo como mellor sabemos: ofrecéndoche a pescada máis fresca do mercado.

Detrás da pescada DoNorte atopamos a tradición pesqueira e o sacrificio da xente do mar. Desde as redeiras ata ao armador, pasando polos mariñeiros.

Todos en Cedeira miramos ao mar, a nosa paixón e forma de vida.

Abrir chat
🐟 ¿Necesitas ayuda?
Hola 👋🏼,
¿En qué podemos ayudarte?